Кога сертификатите мора да се обноват?
По истекот на 5 години од почетниот или рецертификацискиот испит. Обновениот сертификат исто така е валиден 5 години.
Услови за обновување
Носителот на сертификатот за обновување треба да ги достави следниве документи:
- Документиран доказ за задоволително испитување на визуелна острина, не постар од 12 месеци.
- Потврдени документирани докази за континуирана и задоволителна работна активност, без значителни прекини на методот на испитување и секторот за кои се бара обновување на сертификатот. (Ако овој критериум за обновување не е исполнет, поединецот треба да ги следи истите правила како за ресертификација)
Забелешка: Одговорност на носителот на сертификатот е да ги достави документите за обновување во рок од 6 месеци пред истекот на сертификатот.
По исклучок ако документите за обнова на сертификатот се поднесат во рок од 12 месеци од денот на истекот мора да се земе во предвид (EN ISO 9712, 10.2). Ве молиме информирајте се, или директно по телефон на +389 2 3222653 или преку е-мејл.
Што ако рокот е поминат?
По поминување на 12 месеци од истекот на сертификатот повеќе не е дозволена обновата. Кандидатот мора да аплицира за ресертификациски испит (полагање на цел практичен испит).
Јазик на кој се изведува обуката: Англиски, Македонски или јазикот на државата во која се врши обуката. Кандидатите мора добро да го владеат јазикот на кој се одржува обуката и претпоставка е дека имаат завршено средно образование.
Физика и математика: Кандидатите мора да имаат основно познавање на ниво на квалификуван работник.
Подготовка за испитот: Ова е обновување на веќе постоечките практични способности на кандидатот, но во никој случај не е замена за практичната или теоретската обука.
Испит: Вообичаено се спроведува еден ден по завршувањето на обуката. Во случај на комбиниран тип на обука за ниво 1 и 2, испитите се спроведуваат истиот ден.
Облека и опрема за лична заштита: Двете обуки, Ниво 1 и Ниво 2 како и практичниот дел вклучуваат вешта мануелна работа. Кандидатите треба да носат соодветна работна облека и опрема за лична заштита (заштитни обувки, очила, комбинезони итн.). Испитниот центар не е должен да обезбеди заштитна опрема за кандидатите.
Прописи за безбедност: На почетокот на секоја обука кандидатите се запознаваат со правилата за безбедност. Во случај на прекршување на овие правила, испитниот центар не презема никаква одговорност и засегнатиот кандидат може да биде исклучен од остатокот од обуката.
Период на професионално искуство и тест за визуелна способност: Пред аплицирање за обука и испит, препорачливо е кандидатите да имаат определено работно искуство за соодветната метода на која се пријавуваат за свое учество. Периодот на работно искуство кој се бара за соодветната метода не кореспондира со периодот на професионално искуство потребно за сертификација. Исто така, кандидатот треба да има и доказ за валиден тест за визуелна способност.
